Qarax ka dhacay Baarka Sea Food ee Xeebta Liido Muqdisho

War goordhaw soo gaarey Xafiiska warqabadka ee Horseed Media ayaa sheegaya in gaari lagu so xiray waxyaabaha qaraxa dhaliya in uu galay Baar ku yaala xeebta Liido degmada Cabdicasiis magaalada Muqdisho, kaas oo ay wax ka cunaan isla markaana fariistaan dadka dal-xiisayaasha ah iyo qurba joogto.

Baarka ayaa la sheegay in la yiraahdo Seafood, waxaana lagu gadaa cunooyinka Badda laga soo saaro iyo cabitaano. Gaari noocyada yar-yar ah ayaa lagu qarxiyey Goobta gawaarida la dhigto Parking, waxaana gubtey gawaari badan oo halkaas taaley inta la ogyahay hal qof ayaa ku dhintey weerarkaas oo aan la ogeyn in gaariga meesha looga tegey kadibna la qarxiyey iyo in uu saarnaa kii qaraxa fuliyey.

 Waxaa goobta soo gaarey ciidamada amaanka, oo ka wada baaritaano. Khasaaraha rasmiga ah ee ka dhashey qaraxaas ayaan faah-faahin dhamaystiran laga helin wararkam danbe ee Horseed la soco.

Leave a Reply