Wasiiradii rajada looga qabay Dawlad nimo oo la laayay halka la doonayo In la Tir tiro Dawladnimo

Wararka ka imaanaya Magaalada Muqdisho ee Caasimada Soomaalya ayaa ku waramaya in qaraxa lagu dilay wasiiro ka tirsan dawlada KMG ah ee Soomaaliya iyo wariyeyaal ka tirsan saxaafada Muqdisho.

Warar aanu ka�helayno ee �ilo xog ogaal ah ayaa sheegaya in qaraxaasi lagu diley wasiirkii hidaha & tacliinta sare Prof.Ibraahim Xasan Cadow, Wasiirkii Caafimaadka Qamar Aadan Cali, Wasiirkii waxbarashada C/laahi Waayeel, sidoo kale waxaa dhaawac soo gaarey wasiirka Ciyaaraha Saleebaan Colaad Rooble, qaraxaasi waxaa kaloo ku dhintey wariye Maxamed Amiin oo ka tirsan Idaacada Shabelle ee Muqdisho iyo wariye Xasan Subeer Xaaji Xasan oo ka tirsan xafiiska Tv-ga Al-Carabiya ee magaalada Muqdisho.

Qaraxa ayaa ka dhacay Hotel Shamow halkaasi oo ay ka socotey xaflad shahaadooyin lagu gudoonsiinayey ardey ka qalin jabisey Jaamacada Banaadir ee magaalada Muqdisho, waxaana qaraxaasi warar aan si buuxda loo xaqiijin sheegayaan in ay geysatey haweenay waxyaabaha qarxa isku soo xirtey oo ka mid aheyd dadkii ka soo qayb galey xaflada.

Wararka ayaa sidoo kale waxay intaasi ku darayaan in qaraxaasi sidoo kale ay ku dhinteen ilaa 9 ardey oo ka mid ahaa ardeydii shahaadada la gudoonsiinayey.